Barcelona ka një plan B për repartin ofensivë pasi po has në vështirësi për transferimin e Lautaro Martinez

11:45 | 2 Maj 2020
Arbresh.info

Barcelona po has në vështirësi për të nënshkruar me sulmuesin argjentinas Lautaro Martinez.

Ylli i Interit është objektivi kryesor për repartin ofensivë, por çmimi i tij i lartë prej 111 milionë euro nuk e lejon Barcelonën ta transferojë në Camp Nou.

Interi nga ana tjetër i ka bërë të qartë katalunasve se pa u paguar së paku 90 milionë euro dhe të përfshihet Arturo Vidal në marrëveshje nuk e lejon largimin e Lautaros.

Barcelona po mendon për një plan b, pasi thuajse është e pamundur ta shpenzojë atë shumë për Lautaron.

Mundo Deportivo ka raportuar se Donyell Malen është objektivi i ri i Barcelonës për repartin ofensivë.

21-vjeçari ka shfaqur një formë fantastike me PSV Eindhoven këtë edicion, ku ka shënuar 17 gola e ka bërë nëntë asistime në 25 ndeshje.

Për të arritur deri te Malen, Barcelona është gati të shpenzojë rreth 30 milionë euro.

Gjithsesi katalunasit për transferimin e holandezit duhet ta mposhtin konkurrencën e Bayern Munich, Arsenalit dhe Milanit.

Shpërndaje në rrjete sociale

Lajmet më të lexuara

Të ngjashme

Foto lajm